Баланың бойындағы табиғи қасиеттер, адамгершілік құндылықтары отбасында, мектепте, әлеуметтік ортада нәрленеді. «Бала нені білсе ұядан – өле-өлгенше соны тамыр қылады»- деген нақыл сөзде қаншама мән-мағына жатыр. Бұл орайда мектептің рөлі зор. Өйткені отбасы тәрбиесі мен мектептегі тәрбие бірі-бірімен тығыз байланысты. Екі жақты байланыс нығайғанда ғана барлық күрделі мәселелердің түйіні шешіледі. №1мектеп-гимназиясында « Кибербулингке жол жоқ!» тақырыбында зорлық-зомбылықтың алдын алу бойынша психологиялық іс-шаралар өткізіліп отырады. Мұндағы мақсат: оқушыларға зорлық-зомбылық туралы мағлұмат беру. Жеткіншек және жасөспірім кезеңдегі зорлық-зомбылық ерекшеліктерін талдау. Оқушыларға адамзаттың құқықтары мен бас бостандықтарын қорғауы туралы үйрету. Зорлық-зомбылық адам ағзасына тікелей әсер ететінін түсіндіру. Жаман әдеттерден бойларын аулақ ұстап, ондай әрекеттерге бармауға тәрбиелеу, адамгершілігі мол саналы азамат болып өсуіне ықпал жасау