DataLife Engine - Softnews Media Group

       Мектебімізде "Ұлыстың ұлы күні, Наурыз" мерекесіне байланысты бірнеше іс-шаралар ұйымдастырылды. Атап айтқанда, мектеп ауласына тал отырғызу, оқушылар арасында ұлттық ойын түрлерінен жарыс ұйымдастырылды. Іс-шара барысында ата-аналар мерекелік "Наурыз көже" дайындап мектеп оқушылары мен ұстаздарға мерекелік дастарған әзірледі. Мектеп басшысы Г.Р.Жаманова және ардагер ұстаздарымыз оқушылар мен ата-аналарға бата-тілектерін айтып, алғыс білдірді!!!

     Байзақ ауданы №1 мектеп-гимназиясында  2019 жылдың  14-ші Наурыз күні  Қамқоршылық кеңесінің отырысы болды. Қамқоршылық кеңесінің төрағасы П.Ахметов күн тәртібімен таныстырып, отырысты ашып берді. Қамқоршылық  кеңес отырысына Байзақ ауданы «Нұр Отан» партиясының төрайымы Байтақова Шолпан Қайратқызы  қатысты. Күн тәртібіндегі мәселе бойынша: мектеп инпекторы Байзақ АПБ ЖПҚБ ЮПТ  УПИ полиция лейтенанты  М.С. Умирбековнаның  Қамқоршылық кеңесі алдындағы  есебі тыңдалды. Қамқоршылық кеңес мүшесі  К.Т.Игенбаева   мектептің   ағымдағы жазғы жөндеу жұмыстары жайын айтып, ата-аналарды, басқа да кәсіпкер азаматтарды  демеуші  болуға шақырды. Кеңеске қатысқан ата-аналар комитетінің төрайымдары өз пікірлерімен бөлісіп, ата-аналардың  демеуші болуын қолдайтындықтарын айтты.

                Байзақ  ауданы   №1  мектеп-гимназиясында 2019 жылдың 13 наурыз күні   мектеп-гимназия директоры  Г. Жаманованың   азаматтарды қоғамдық қабылдау күні  болды. Қоғамдық қабылдау күні мектеп-гимназия директоры Г.Жаманова, мектептің Қамқоршылық кеңесі мүшесі  К.Игенбаева, кәсіподақ ұйымының төрағасы Б.Басықараев, әлеуметтік педагог Х.Усманова, психолог Ж.Широва  ата-аналардың    тәлім-тәрбие саласына қатысты  сұрақтарына   толық жауап беріп, олардың ұсыныс, талап тілектерін жазып алды. 

  Байзақ  ауданы  №1   мектеп-гимназиясында  әлеметтік   педагогтар Х.Усманова мен К.Иманалиеваның  ұйымдастыруымен  5 –ші сәуір күні Тараз қаласында өтетін мүмкіндігі шектеулі  балалардың шығармашылық қабілеттерімен  мүмкіндіктерін дамытуға арналған «Жұлдызай» фестивалінің   аудандық  іріктеу кезеңі  өткізілді. Фестивалға мектебімізден денсаулығына байланысты үйде оқытылатын 8 сынып А. Тұрдиева  «Қолөнер»   жетекшісі  А.Садықова,  Г. Аманбай «Вокал» жетекшісі Ұ.Жанбаева, жеңілдетілген бағдарламамен  оқитын Исламов Ердос «Бейнелеу», Нұрметов Елдарбек «Бейнелеу», Сейтов  Хайдар «Вокал», Өмірзақ Ерасыл «Вокал», Болат  Айаужан «Би» номинациялары бойынша қатысып, көпшілікті  өнерлерімен тәнті етті. Жетекшілері А.Дүйсенбаева мен А.Сарсинбаева.            Фестивальдің қазылар алқасы ОПМК  бас маманы А.Н. Наурызбаева, білім бөлімінің әдіскері   Р.С.Сабитбекова фестиваль қатысушыларына сәттілік тілеп, ризашылықтарын білдірді.